निर्वाचन प्रतिबद्धता पत्र

छिमेकी जिल्लाहरुको तुलनामा यो क्षेत्र विकास र समृद्धिको दृष्टिकोणले पछि परेको तथ्य छर्लङ्ग छ । विकास र समृद्धिका दृष्टिकोणले यस क्षेत्र ३० वर्ष पछाडि परेको अनुभव हामी सबैले गरेकै छौं । अब हामी यहि नियति दोहोऱ्याउने वा यस क्षेत्रमा विकासको गतिलाई तीव्र बनाउने भन्ने निर्णायक घडीमा छौं । यहाँहरु समक्ष मेरो अनुरोध छ, अब हामी विकास, समृद्धि र सामाजिक परिवर्तनको बाटोमा हिड्नुपर्छ । यही एजेण्डाका साथ म तपाईहरुका बीचमा आएको छु ।

पटकपटक व्यवस्था फेरिएपनि विडम्बनाबाट यस क्षेत्रलाई मुक्त गर्दै सुनौलो भविष्यतर्फ अग्रसर गराउन मैले केन्द्र सरकार, प्रदेश सरकार र स्थानीय पालिकाहरुसँग आवश्यक समन्वय गरी काम गर्ने प्रण गर्दछु । समृद्ध नवलपरासीको हाम्रो सपना पूरा गर्नका लागि रुख चिन्हमा मतदान गरी अत्याधिक मतले मलाई विजयी गराइदिन हुन विनम्र अनुरोध गर्दछु। यहाँको अमूल्य मत खेर जान नदिने प्रण गर्दछु ।