आदरणीय बुबा, आमा, दाजुभाइ तथा दिदी, बहिनीहरू, म विनोद चौधरीका तर्फबाट जय नेपालको न्यानो अभिवादन

लोकतन्त्रप्रतिको यहाँहरूको अटल विश्वास र प्रतिबद्धताका कारण २०७९ को आमनिर्वाचनमा नवलपरासी (बसुप) क्षेत्र नं.-१ बाट प्रतिनिधिसभा सदस्य पदमा मलाई अत्यधिक बहुमतका साथ विजयी बनाउनु भएको गौरवपूर्ण इतिहास कायम गर्नुभएको सगौरव स्मरण गर्दै यहाँहरूप्रति हार्दिक आभार व्यक्त गर्दछु ।

गत भदौ २३ गतेको जेनजी आन्दोलनबाट उत्पन्न परिस्थितिका कारण तीन वर्षमै पुनः आमनिर्वाचन गर्नुपरेको छ । देशमा सुशासन स्थापना गर्न भ्रष्टाचार निर्मूल गर्न र आम नागरिकलाई सहज रूपमा सर्भिस डेलिभरी हुनुपर्ने मुख्य मागसहित हाम्रा जे नजीहरूले गरेको आन्दोलन वास्तवमै यो देशका लागि आवश्यक थियो । जेनजीको भावनाअनुसार नेपाली कांग्रेसले विशेष महाधिवे शन गरी युवा नेता गगन थापाको नेतृत्वमा पार्टीको रुपान्तरण गरिसकेको छ । नेपाली कांग्रेस गगन थापालाई आगामी सरकार को प्रधानमन्त्री घोषणा गरेर निर्वाचनमा होमिएको छ । हामीले विगतका कमजोरीलाई सच्याउँदै आर्थिक विकासको एजेन्डालाई केन्द्रमा राखेर काम गर्नेछौं ।