बुटवल । नवलपरासी बर्दघाट सुस्ता पश्चिमको बर्दघाटमा रहेको चिसापानी अस्पतालमा कृत्रिम हातखुट्टा सेवा परियोजना सुरु भएको छ । चौधरी फाउन्डेसनको सहयोगमा अस्पतालमा सिजी सबल केन्द्रमार्फत कृत्रिम हातखुट्टा प्रदान गर्ने कार्यक्रम सुरु भएको हो ।
प्रतिनिधिसभा सदस्य एवं नेपाली काँग्रेसका केन्द्रीय सदस्य विनोद चौधरीले आज अस्पतालमा सबल केन्द्रको उद्घाटन गर्दे चिसापानी अस्पतालबाट हातखुट्टा नभएका व्यक्तिले कृत्रिम हातखुट्टा निःशुल्क पाउने बताए ।
नवलपरासी–१ बाट निर्वाचित प्रतिनिधिसभा सदस्य चौधरीले चिसापानी अस्पताललाई यो क्षेत्रकै उत्कृष्ट सेवा प्रदान गर्ने अस्पतालका रूपमा विकास गर्न आफू प्रतिबद्ध रहेको जनाएका थिए । सोही क्रममा नागरिकको सेवाका लागि चिसापानी अस्पतालमा सबल केन्द्र स्थापना गरेको उनको भनाई रहेको छ । बर्दघाट नगरपालिकाका मेयर शम्भु श्रेष्ठले चिसापानी अस्पतालको सेवा विस्तार र सुधारमा चौधरी फाउन्डेसनले महत्त्वपूर्ण योगदान दिएको बताए ।अस्पतालबाट २४ सै घण्टा सेवा उपलब्ध गराउने गरी काम हुन्छ ।
रातोपाटीमा प्रकाशित
लिङ्क: https://www.ratopati.com/story/390465/chisapani-hospital-?fbclid=IwAR1B0sctiThA10joKG6DQQg2Un-zMRyDHUD84HnHjli5Ls3LhpjNmRNdjcw
No Comments